, თურქეთის უშიშროების სამსახურები მასშტაბურ ოპერაციას ატარებენ.
CNN Turk – ის ცნობით ოპერაცია ქვეყნის 76 პროვინციაში მიმდინარეობს, მის ფარგლებში, თურქეთის პროკურატურამ 1112 პირის დაკავების ორდერი გასცა. მათ ბრალად ედებათ „ფეთჰულაჰ გიულენის ტერორისტულ ორგანიზაციაში“ მონაწილეობა. გიულენთან კავშირში ეჭვმიტანილთა უმრავლესობა ანკარაშია თავმოყრილი და შესაბამისად ოპერაცია ყველაზე მასშტაბურად სწორედ დედაქალაქში მიმდინარეობს.
შეგახსენებთ, რომ 2016 წლის 15 ივლისს თურქეთის შეიარაღებული ძალების სამხედროების ჯგუფი შეეცადა სამხედრო გადატრიალება მოეწყო. შეტაკებები ძირითადად სტამბოლსა და ანკარაში მოხდა, რის შედეგადაც 250 ადამიანი დაიღუპა. ოფიციალური ანკარა აღნიშნულში გიულენს ადანაშაულებს და ცდილობს მიაღწიოს გიულენის ექსტრადიციას აშშ- დან, სადაც იგი დევნილობაში იმყოფება
თურქეთში ამ დროისათვის დაკავებულია 77 ათასი ადამიანი, კიდევ 150 ათასმა სახელმწიფო მოხელემ და სამხედრო პირმა დაკარგა სამსახური. კრიტიკოსები რეჯენ ტაიფ ერდოღანს ადანაშაულებენ იმაში, რომ იგი არშემდგარი პუტჩს განსხვავებული აზრის მქონეთა რეპრესიებისათვის იყენებს.
