,,ყველაფერი მიჰყავთ იქით, ჩემი შვილი მოკლულია და მკვლელი არ არსებობს – პირდაპირ აპირებენ კალანდიას „გაპრავებას“ – განაცხადა ხორავას ქუჩაზე მოკლული მოზარდის მამამ ზაზა სარალიძემ რომელმაც პროტესტის ნიშნად დატოვა სააპელაციო სასამართლოში პროცესი, სადაც მიხეილ კალანდიას დაკითხვა მიმდინარეობს.
„პროკურორები კითხავდნენ და ფიზიკურად ვეღარ გავუძელი. პროკურორმა მიმანიშნებელი კითხვა დაუსვა, რაზეც ადვოკატმა პროტესტი გამოთქვა და მოსამართლეებმაც არ დაუკმაყოფილეს. ჩემს ადვოკატს რაღაც გადავუჩურჩულე და მოსამართლემ გაგაძევებ გარეთ თუ არ გაჩუმდებიო. '' ამბობს იგი.
მისი თქმით, მას კითხვები აქვს, რომელსაც გენერალურ პროკურორთან შევედრისას დასვამს, თუმცა ეს კითხვები წინასწარ არ გააჟღერა.
შეგახსენებთ, რომ 1-ელ დეკემბერს თბილისის ცენტრში, ვერაზე ორი არასრულწლოვანი დაჭრეს. ერთი მოზარდი საავადმყოფოში მიყვანამდე გარდაიცვალა, მეორე კი, 2 დეკემბერს დაიღუპა.
მიხეილ კალანდია ხორავას ქუჩაზე მომხდარი მკვლელობის საქმის მთავარი მოწმეა, რომელმაც ჩვენება რამდენჯერმე შეცვალა.