6 თვეა შეწყალების კომისია არ შეკრებილა, ათასზე მეტი პატიმარი კი სასჯელის გადახედვას ელოდება.
საქართველოს პრეზიდენტის ადმინისტრაცია კომისიის შეკრების თარიღს ვერ ასახელებს.
„ამ ეტაპზე მიმდინარეობს კონცეფციაზე მუშაობა იუსტიციის სამინისტროსთან ერთად. კონცეფციის მომზადების შემდეგ, დაიწყება მუშაობა უშუალოდ კომისიის ფორმირებასთან დაკავშირებით. ეს იქნება სრულიად ახალ კონცეფციაზე დაფუძნებული ახალი მოდელი. მესმის პატიმრების წუხილი, მაგრამ ამ ეტაპზე მნიშვნელოვანია შემუშავდეს ისეთი კონცეფცია, რომელიც სრულად უპასუხებს იმ მოთხოვნებს, რომელიც ყველაზე აქტუალურია" – აღნიშნა პრეზიდენტის პრესსპიკერმა.