„ია კერზაიას ოჯახისთვის თქვენ მწუხარებაც არ გამოგიხატავთ და ამის შემდეგ როგორ მიგაჩნიათ ზუგდიდელებთან შეხვედრა“ – მიმართა  „ევროპული საქართველო – რეგიონების“ წევრმა თენგიზ გუნავამ   განათლების მინისტრს,  რომელსაც დღეს  პარლამენტში მოუსმინეს.

 

თენგიზ გუნავას განცხადებით, განსაკუთრებით აქტუალური საკითხი ია კერზაიას საქმეა და აღნიშნა, რომ დიდი მონდომების მიუხედავად, მან, ზუგდიდელმა კაცმა ,ვერ შეძლო იმ პირის იდენტიფიცირება, ვინც კერზაიას წინააღმდეგ  საჩივარი დაწერა:

 

„დაანონსეთ ზუგდიდში სტუმარ-მასპინძლობის სასწავლებლის გახსნის შესახებ და იმ ფონზე, როცა განათლების სამინისტროს მიერ წარგზავნილმა ამ სადამსჯელო ჯგუფის წევრებმა შეასრულეს შეკვეთა, რამაც შეიწირა ზუგდიდის მე-6 საჯარო სკოლის საუკეთესო დირექტორი, ქალბატონი კერზაია და თქვენ მწუხარებაც არ გამოგიხატავთ არათუ მიგისამძიმრებიათ ოჯახისთვის და მიგაჩნიათ, რომ ამის შემდეგ ზუგდიდელებთან შეხვედრა, როგორ ფიქრობთ? 

 

მეორე, ამ ანონიმური წერილების საწერად, რომ გაყალბებული სახელი და გვარი იყო წარმოდგენილი, ეს პირველად გავიგე და ზუგდიდელი კაცი ვარ მე, მიმაჩნია, რომ კარგად ვიცნობ ზუგდიდს, მაქსიმალურად მოვინდომე, რომ ეს ადამიანი აღმომეჩინა, მაგრამ არ არსებობს. რა შეგიძლიათ ამაზე გვიპასუხოთ?“ – მიმართა გუნავამ მინისტრს.