ოფიციალურ თბილისს ამ დრომდე არ გაუკეთებია განცხადება , რუსეთის მიერ ოკუპირებულ აფხაზეთში საქართველოს მოქალაქის დაკავებაზე შპიონაჟისა და საბრძოლო მასალის შენახვის ბრალდებით.
აფხაზური მედიის ცნობით, დაკავებული 1962 წელს დაბადებული გია ფარულავაა, რომელიც წარმოშობით ტყვარჩელის (ადრინდელი ადმინისტრაციული დაყოფით გალის) რაიონის სოფელ წარჩედანაა. იგი 25 იანვარს იქნა დაკავებული.
საუკოპაციო რეჟიმის ე.წ. "უშიშროების სამსახურის" განცხადებით, ჩხრეკის დროს ფარულავას კუთვნილ დამხმარე ნაგებობაში ხელყუმბარა, ელექტროდეტონატორი და საბრძოლო ვაზნები აღმოაჩინეს.
სოხუმის "სასამართლომ" ფარულავას აღკვეთის ღონისძიებად 2 თვიანი წინასწარი პატიმრობა მიუსაჯა. იგი "უშიშროების სამსახურის" საგამოძებო იზოლატორში მოათავსეს.