მთავარისიახლეებისამართალიმეუფე პეტრე: ,,მე ვისურვებდი, რომ საპატრიარქოს განცხადების შემდეგ ღირსეული სასულიერო პირების რიგი...

მეუფე პეტრე: ,,მე ვისურვებდი, რომ საპატრიარქოს განცხადების შემდეგ ღირსეული სასულიერო პირების რიგი დადგეს მატროსოვის ციხესთან”

Published on

მეუფე პეტრე გამოეხმაურa TV პირველის გადაცემა ,,რეაქციაში'' საპატრიარქოს განცხადებას, რომლის მიხედვითაც, ილია მეორის გადაწყვეტილებით, ნებისმიერ მღვდელმსახურს შეუძლია გიორგი მამალაძის ზიარება, თუმცა, ეს სასულიერო პირის პირადი გადაწყვეტილება და პასუხისმგებლობა იქნება.
 
,,მე ვისურვებდი, რომ [საპატრიარქოს განცხადების შემდეგ] ღირსეული სასულიერო პირების რიგი დადგეს მატროსოვის ციხესთან.
 
საერთოდ, დღემდე არათუ ზიარება, სასულიერო პირებს არ უშვებდნენ მასთან, აი, ჩემგან რამდენიმე სასულიერო პირს ჰქონდა სურვილი, რომ მამაოს გასაუბრებოდა, ენუგეშენებინა, პირადად მოესმინა მისთვის და უთხრეს, რომ პატრიარქის კურთხევის გარეშე აღარ შეგიშვებთ, არათუ საზიარებლად, მღვდლებს აღარ უშვებდნენ ”- განაცხადა  ჭყონდიდის მიტროპოლიტმა.
 
შეგახსენებთ, საპატრიარქოს მიერ გაკეთებულ გაცხადებაში, რომელშიც   დეკანოზ გიორგი მამალაძის ზიარების მოთხოვნით კარვების დადგმა "ეკლესიაზე ზეწოლის თანამედროვე სახედ" არის შეფასებული, ნათქვამია: 
 
"საზოგადოებას შევახსენებთ, რომ, როგორც ადრე განვაცხადეთ, ველოდებოდით ძიების დამთავრებას, რათა, არსებული დოკუმენტაციის გაცნობის საფუძველზე, შეფასება მისცემოდა განვითარებულ მოვლენებს.
 
სამივე ეტაპზე გამოძიებამ გიორგი მამალაძეს ბრალი დასდო, მაგრამ არსებული კანონმდებლობიდან გამომდინარე, წმინდა სინოდისთვის მასალების გადმოცემაზე პროკურატურამ უარი ახლახანს გვითხრა. დასჯადია საგამოძიებო მასალების სხვისთვის მიწოდებაც, როგორც დამნაშავის, ისე დაზარალებულის მხრიდანაც.
 
ვინაიდან დეკანოზი გიორგი თვლის, რომ იგი მართალია და ითხოვს ზიარებას, ხოლო სასამართლო მას დამნაშავედ აცხადებს, სრულიად საქართველოს კათოლიკოს პატრიარქმა მიიღო შემდეგი გადაწყვეტილება: ნებისმიერ მღვდელმსახურს, რომელსაც მიაჩნია, რომ აღნიშნული პიროვნების ზიარება არის შესაძლებელი, შეუძლია ეს განახორციელოს, თუმცა ეს იქნება ამ სასულიერო პირის პირადი გადაწყვეტილება და პირადი პასუხისმგებლობა" – ნათქვამია საპატრიარქოს განცხადებაში
 

სიახლეები

სამმა პირმა 1.137 ძირი კანაფიდან 143 კგ ნარკოტიკი მოიყვანა – სამივეს უვადო პატიმრობა ემუქრება

საქართველოს პროკურატურამ განსაკუთრებით დიდი ოდენობით ნარკოტიკული საშუალების შემცველი მცენარის უკანონო დათესვა, მოყვანა, კულტივირების ფაქტზე 5...

ჩეხეთმა ქართული დიპლომატიური და სამსახურებრივი პასპორტებისთვის უვიზო რეჟიმი გააუქმა

ჩეხეთმა ქართული დიპლომატიური და სამსახურებრივი პასპორტებისთვის უვიზო რეჟიმი გააუქმა. ამის შესახებ ჩეხეთის საგარეო საქმეთა...

ჩარლზ III- დღეს, როცა ტირანია კვლავ ემუქრება ევროპას, ერთად ვდგავართ უკრაინის მხარდასაჭერად

ჩვენ ქვეყნებს ყველაზე მჭიდრო ურთიერთობა აქვთ თავდაცვის, უსაფრთხოებისა და დაზვერვის მხრივ, რაც კი...

ბათუმის აეროპორტში ამოღებულია 4 კილოგრამამდე ნარკოტიკული საშუალება

განსაკუთრებით დიდი ოდენობით ნარკოტიკული საშუალების უკანონო შეძენა-შენახვასა და განსაკუთრებით დიდი ოდენობით ნარკოტიკული საშუალების საქართველოში...