მალხაზ მაჩალიკაშვილი: ,,ამ ხელისუფლების მე საერთოდ არ მჯერა, მე კი არა ქვეყნის 80%-ს არ სჯერა. ეს არის კრიმინალების ბრბო”

0
394
პანკისის ხეობაში ჩატარებული ანტიტერორისტული სპეცოპერაციის დროს ლიკვიდირებული თემირლან მაჩალიკაშვილის მამამ მალხაზ მაჩალიკაშვილმა პარლამენტში წერილი შეიტანა.
 
მალხაზ მაჩალიკაშვილი საკანონმდებლო ორგანოში საგამოძიებო კომისიის შექმნასა და მისი შვილის მკვლელობის საქმის გამოძიებას ითხოვს.მისი თქმით, მნიშვნელოვანია დადგინდეს ერთი წლის წინ, პანკისში ჩატარებული სისხლიანი სპეცოპერაციის დეტალები, რომელსაც თემირლან მაჩალიკაშვილი ემსხვერპლა და დადგეს დამნაშავე პირების პასუხისმგებლობის საკითხი.
 
მაჩალიკაშვილი ამბობს, რომ ის ხელისუფლებას არ ენდობა და დარწმუნებულია, რომ დროებითი საგამოძიებო კომისიის შექმნას მმართველი პოლიტიკური პარტია ხელს შეუშლის, მაგრამ მისი თქმით, ყველაფერს გააკეთებს, რათა საზოგადოებამ გაიგოს, რომ მისი შვილი უდანაშაულო იყო.
 
„მე ნაკლებად მაქვს იმედი შეეცდებიან, რომ არ შეიქმნას ეს კომისია ამ ხელისუფლების მე საერთოდ არ მჯერა, მე კი არა ქვეყნის 80%-ს არ სჯერა. ეს არის კრიმინალების ბრბო. ჩემთვის მნიშვნელოვანია, საქართველოს მოსახლეობამ გაიგოს, რომ ეს ბავშვი არის უდანაშაულო,“-ამბობს მალხაზ მაჩალიკაშვილი.
წინა სტატია“ქართული ოცნების” ოფისში უმრავლესობის საგანგებო სხდომა დაიწყო. არ გამოირიცხება გედევან ფოფხაძემ და სხვა დეპუტატებმა სხდომა დემარშით დატოვონ.
შემდეგი სტატიაfreedom house-ის 2019 წლის ანგარიშში საქართველოს შარშანდელზე ერთით ნაკლები-63 ქულა აქვს.
ტელეკომპანია ოდიშის საინფორმაციო სამსახური