დანაშაულის შეუტყობინებლობის ბრალდებით დაკავებული თენგიზ ქობალიას მხარდასაჭერი აქცია დასრულდა. თუმცა ოჯახის წევრების ინფორმაციით, ის ხვალ განახლდება „ყოველდღე დავდგები აქ და არ მოგასვენებთ, აქციებს გავმართავ ყოველდღე, სანამ ჩემს უდანაშაულო შვილს არ გაათავისუფლებენ“- განაცხადა თენგო ქობალიას დედა აზა ჯოლოგუამ. სუს-მა ზუგდიდის მერიის ეკონომიკური პოლიტიკისა და სერვისების მართვის სამსახურის უფროსი გასული წლის 24 დეკემბერს დანაშაულის შეუტყობინებლობის ბრალდებით დააკავა.