სამეგრელო-ზემო სვანეთის მხარის სახელმწიფო რწმუნებულის პრესსამსახურის ხელმძღვანელის პოსტს ისევ ყოფილი კადრი პაატა ლაგვილავა დაიკავებს. ინფორმაცია „ოდიშინიუსს“ თავად ლაგვილავამ დაუდასტურა, მისი თქმით, ხელშეკრულებით არის აყვანილი, ხოლო შემდეგ კონკურსში მიიღებს მონაწილეობას. სამეგრელო-ზემო სვანეთის გუბერნატორის პრესსამსახურის ხელმძღვანელმა პაატა ლაგვილავამ და მისი გუნდის წევრებმა თანამდებობები გასული წლის აგვისტოში ახალი გუბერნატორის მოსვლის შემდეგ დატოვეს. გუბერნატორის პრესსამსახურის პოსტი ლაგვილავას შემდეგ ლიკა ქვარცხავამ ჩაიბარა, რომელმაც აღნიშნული პოსტი პირადი განცხადების საფუძველზე 2019 წლის იანვრის ბოლოს დატოვა.