„დონბასის“ მებრძოლი ლუკა ჩხეტია კიევში არ შეუშვეს- ინფორმაცია ამის შესახებ „ოდიშინიუსს“ ჩხეტიას ახლობელმა დაუდასტურა.“ეფესბეს დავალებაა ეს და ამიტომაც არ შეუშვეს, ბორისპოლის აეროპორტიდან გააბრუნეს, გახარიას დავალებაა და კარგად ასრულებენ“- განაცხადა მანუჩარ ჩხეტიამ. მისივე ინფორმაციით ლუკა ჩხეტია სტამბოლში ჩავა, იქედან კი ევროპის რომელიმე ქვეყნისკენ აიღებს გეზს და პოლიტიკურ თავშესაფარს ითხოვს. ბატალიონ „დონბასის“ ქართველი მებრძოლი  ლუკა ჩხეტია, უკრაინელ მებრძოლებთან ერთად თბილისის საქალაქო სასამართლომ 4 თებერვალს გირაოს სანაცვლოდ  გაათავისუფლა. 

შინაგან საქმეთა სამინისტრომ თბილისში, ლიხაურის ქუჩაზე უკრაინის 7 მოქალაქე 2018 წლის 2 დეკემბერს დააკავა. გამოძიება სისხლის სამართლის კოდექსის 236-ე მუხლის მე-3 და მე-6 ნაწილებით დაიწყო, რაც ჯგუფურად ცეცხლსასროლი იარაღის, საბრძოლო მასალის, ფეთქებადი ნივთიერების ან ასაფეთქებელი მოწყობილობის მართლსაწინააღმდეგო შეძენა, შენახვას გულისხმობს.