ხმაური აქციაზე – ზუგდიდში თენგიზ ქობალიას მხარადასჭერი აქცია მიმდინარეობს [Video]

0
367

დანაშაულის შეუტყობინებლობის ფაქტზე დაკავებული თენგიზ ქობალიას ოჯახი და ახლობლები სასამართლოს გადაწყვეტილებას აპროტესტებენ, ისინი დღეს ზუგდიდში შეიკრიბნენ და იუსტიციის სახლიდან მსვლელობა მოაწყვეს. აქციის მონაწილეებმა გზა რამდენიმე წუთით იუსტიციის სახლთან გადაკეტეს. ამის შემდეგ გზა სუსიის შენობისკენ გააგრძელეს შძახილებით- „თავისუფლება თენგოს“. თენგიზ ქობალიას დედამ და რამდენიმე პირმა სუს-ის შენობაში შეჭრა სცადა, რისი საშუალებაც მათ სამართალდამცავებმა არ მისცეს. აზა ჯოლოგუა ითხოვდა სუს-ის უფროსთან შეხვედრას. ხმაურისა და დაპირისპირების ფონზე თენგიზ ქობალიას დედა ცუდად გახდა. მან აქციის მონაწილეებთან ერთად ცენტრალურ გზაზე გადმოინაცვლა, რის გამოც გზაზე მოძრაობა პარალიზებული იყო. ადგილზე მობილიზებული არიან სამართალდამცავები. „ ვითხოვ უდანაშაულო შვილის გათავისუფლებას, ყველამ იცის რომ ჩემი შვილი უდანაშაულოა და გამოუშვან, 8 ათასი კაცის ხელმოწერა გვქონდა, მაგრამ რა გაითვალისწინა ხელისუფლებამ? არაფერი. კანდალებით რომ გამოიყვანეს ჩემი შვილი, რეციდივისტი იყო?..ერთადერთი იმედი მაქვს- ვითხოვ გახარიასთან შეხვედრას, ვფიქრობ, მომისმენს და გაიზიარებს ჩემს გულისტკივილს“- განაცხადა აზა ჯოლოგუამ.

 

 

 

 

წინა სტატიათენგიზ ქობალიას ოჯახის წევრები და მეგობრები საპროტესტო აქციას აგრძელებენ. ცენტრალური გზა გადაკეტილია
შემდეგი სტატიაენგურის ხიდზე მიმოსვლა აღდგა – კარანტინი, რომელიც ორი თვე უნდა გაგრძელებულიყო, 25 დღეში მოიხსნა, რადგან სოხუმსაც გაუჭირდა
ტელეკომპანია ოდიშის საინფორმაციო სამსახური