ზუგდიდის საკრებულოს წევრი „ქართული ოცნებიდან“ ზაზა ანდრიაძე მაჟორიტარ დეპუტატს მერაბ ქვარაიას საზანძრო-სამაშველო სამსახურში არსებული მდგომარეობით დაინტერესებას თხოვს. დეპუტატის თქმით, სამსახური, რომელიც „საათივით აწყობილი იყო“, დღეს თავის ფუნქციას ჯეროვნად ვერ ასრულებს.“ საათივით აწყობილი სამსახური იყო, მუშაობდნენ პროფესიონალები და უკვე ვერ ასრულებს სამსახური თავის მოვალეობას ჯეროვნად.“- განცხადა ზაზა ანდრიაძემ. მისი თქმით, ეს იმიტომ ხდება, რომ სამსახურში განხორციელდა საკადრო ცვლილებები და პროფესიონალი კადრები ჩამოაშორეს. „იცით ალბათ, რომ განხორციელდა საკადრო ცვლილებები, პროფესიონალი კადრები გაუშვეს, არავინ არ იცის თითქოს და ყველამ იცის რა მოხდა.არ შრიძლება პროფესიონალი კარდების გაშვება. შსს-მ რომ ჩაიბარა ეს სამსახური, ამის შემდეგ ზუგდიდიდან გაყვანილია ტექნიკაც, ისეთი ტექნიკა საერთოდ რომ არავის არ ყავდა, საუბარია მანქანებზე, როგორც ვიცი, 5 ერთეული გაიყვანეს და დაიბრუნეს 2 თუ არ ვცდები, ისიც იმ ადამიანების დამსახურებით, ვინც პროფესიონალები არიან. ასევე სამედიცინო დანამატიც ქონდა სახანძრო სამსახურს და მე იქ წლები ვმუშაობდი, ისიც გააუქმეს“- განაცხადა დეპუტატმა. მაჟორიტარი დეპუტატის მერაბ ქვარაიას თქმით: „ზუგდიდის სახანძრო-სამაშველო სამსახური ყოველთვის იყო სანიმუშო სწორედ იმ პროფესიონალი კადრების დამსახურებით, აუცილებლად დავინტერესდები ამ საკითხით“- განაცხადა ქვარაიამ.