ხმაური იყო დღეს დილით თბილისში, 61-ე საჯარო სკოლაში – არსებული ინფორმაციით, ორ მე-11 კლასელს შორის შელაპარაკება მოხდა. ადგილზე საპატრულო პოლიცია იქნა მობილიზებული.
შინაგან საქმეთა სამინისტროს ცნობით, საპატრულო პოლიცია ადგილზე მანდატურის სამსახურმა გამოიძახა. უწყების ინფორმაციით, ინციდენტი ამ დროისთვის ამოწურულია და სამართალდამცველები ვითარებაში ერკვევიან.
როგორც 61-ე საჯარო სკოლის დირექტორის მოადგილემ, მადინა ბაღდავაძემ განაცხადა, კონფლიქტი საკლასო ოთახში დაიწყო და ხუმრობას მოყვა. .არსებული ინფორმაციით, სკოლის მოსწავლეებს მცირე დაზიანებები აქვთ მიყენებული.