ფარული ჩანაწერების გავრცელების საქმეზე დაკავებულებს შორის "გირჩის" აქტივისტებიც არიან. სასამართლო პროცესზე, რომელიც თბილისის საქალაქო სასამართლოში ამ წუთებში მიმდინარეობს, გაერთიანების "გირჩის" ლიდერი, ზურაბ ჯაფარიძე მივიდა.
მისი თქმით, „ეს არის შერჩევითი სამართალი.- ეგრე ინტერნეტში უამრავი ლინკი და სისულელე ყრია. გასაგებია, ჩვენ შეიძლება, არ მოგვწონდეს ეს საქციელი, ჩემი აზრით ამორალურია. მაგრამ ჩვენ თუ ამის გამო ადამიანების დასჯა დავიწყეთ, დასასჯელია ათობით ათასი ადამიანი. თუ ათობით ათასი ადამიანისგან 16-ს არჩევენ, მაშინ ეს არის შერჩევითი სამართალი,“
„ჩემი აზრით, ეგ არის სისულელე. დასასჯელია ადამიანი, რომელმაც ეს ფაილი ატვირთა. მას ჰქონდა პოლიტიკური მიზანი.'' – განაცხადა ზურაბ ჯაფარიძემ.
პირადი ცხოვრების ამსახველი ვიდემასალის გავრცელების საქმეზე 17 პირი დააკავეს. დღეს 9 მათგანს აღკვეთის ღონისძიებას შეუფარდებენ.