რუსთავის საკრებულოს მაღალჩინოსანი ბესელიას კადრების გადაგზავნას ითხოვდა – “თქვენც ოპოზიციისკენ გაგიშვერიათ ხელი”

0
352
"ევროპული საქართველოს" წევრი გიგი უგულავა სოციალურ ქსელში "სქრინს" აქვეყნებს, სადაც ჩანს, რომ რუსთვის საკრებულოს საფინანსო-საბიუჯეტო კომიტეტის თავმჯდომარე გიგა ვეფხვაძე ეკა ბესელიას პირადი ცხოვრების ამსახველი კადრების ნახვას და გაგზავნას ითხოვს.
 
"დღეს შსს-მ 16 პირი იმისთვის დააკავა, რომ მათ პირად მესინჯერში მიიღეს და სხვასაც გადაუგზავნეს ქ-ნ ბესელიას პირადი ფარული ჩანაწერები. კი ბატონო, კანონით დასჯადი ქმედებაა, მაგრამ 4-8 წლიანი მუხლი ასეთი "გამავრცელებლების" მიმართ აბსოლუტურად არაადექვატურია. როგორც მოსალოდნელი იყო აქაც ოპოზიციას ეცა გახარია. გასაგებია "ჩემ შვილს ხომ არ მოვჭრი თავს". შინაგან საქმეთა სამინისტრო / Ministry of Internal Affairs of Georgia ქვევით იხილეთ ქ. რუსთვის საკრებულოს საფინანსო-საბიუჯეტო კომიტეტის თავმჯდორე ქართული ოცნებიდან ვინმე გიგა ვეფხვაძე, რომელიც დაჟინებით ითხოვს ამ ჩანაწერებს და საწადელსაც აღწევს. აბა ვნახოთ როგორ ასრულებთ კანონის უზენაესობის პრინციპს. Ekaterine Beselia თქვენც ოპოზიციისკენ გაგიშვერიათ ხელი. ცუდია! იმედია პირად კონტროლზე აიყვანთ ამ შემთხვევას და რეაგირების გარეშე არ დატოვებთ" – წერს გიგი უგულავა.
წინა სტატია“როცა მე ვიყავი ხელისუფლებაში, ერთი ფაქტი მაინც გახსოვთ, გასაჯაროვებულიყო ვინმეს პირადი ცხოვრება?” – სააკაშვილი
შემდეგი სტატიაანომალიური სიცივე აშშ-ში და 11 დაღუპული – მსოფლიო მედია “გაყინული” ამერიკის ფოტოებს ავრცელებს
ტელეკომპანია ოდიშის საინფორმაციო სამსახური