მამუკა ბახტაძე: ყველაფერს გააკეთებს ჩვენი ხელისუფლება, რომ ადამიანის პირადი სივრცე იყოს ხელშეუხებელი

0
372
საქართველოს პრემიერ-მინისტრი მამუკა ბახტაძე ხანგრძლივი დუმილის შემდეგ პირადი ცხოვრების ამსახველი კადრების გავრცელების საკითხს გამოეხმაურა.
 
მისი თქმით, ხელისუფლება ყველაფერს გააკეთებს, რომ მძიმე მემკვიდრეობის მიუხედავად, ადამიანის პირადი სივრცე იყოს ხელშეუხებელი.
 
„მსურს, გამოვეხმაურო პირადი ცხოვრების ამსახველი ფარული ჩანაწერების გავრცელებას. კატეგორიულად ვგმობ ადამიანის პირადი სივრცის ხელყოფას, ამის ნებისმიერ გამოვლინებას, ეს არის უმძიმესი დანაშაული, რომელსაც აუცილებლად გაეცემა ადეკვატური და უმკაცრესი პასუხები.
 
შსს-მ პირადი ცხოვრების ამსახველი ვიდეოჩანაწერის გავრცელებისთვის საქმეზე უკვე დააკავა 16 პირი. ყველაფერს გააკეთებს ჩვენი ხელისუფლება, რომ მიუხედავად მძიმე მემკვიდრეობისა, ადამიანის პირადი სივრცე იყოს ხელშეუხებელი და არ იქნას გამოყენებული ეს მორალური ტერორი მის არც ერთ განზომილებაში“, – განაცხადა მამუკა ბახტაძემ.
წინა სტატიაფარულ ჩანაწერებზე დაკავებული ზუგდიდელი ახალგაზრდას ოჯახი პოლიტიკურ ანგარიშსწორებაზე საუბრობს
შემდეგი სტატია“ქართულ ოცნებას” არა აქვს მორალური უფლება დააყენოს მერობის კანდიდატი [Video]
ტელეკომპანია ოდიშის საინფორმაციო სამსახური