ფეხბურთის ფედერაციის ყოფილი პრეზიდენტი ზვიად სიჭინავა ზუგდიდის მერის რიგგარეშე არჩევნებში მონაწილეობას მიიღებს- ამის შესახებ სიჭინავამ "ოდიშინიუსს" თავად დაუდასტურა.
"მე ეს გადაწყვეტილება იმიტომ მივიღე, რომ ყველა ნიუსი ჩემს ქალაქზე იწყება რაღაც პრობლემით, ნეგატიურით და ცუდით,მინდა რომ ჩემს ქალაქს ყავდეს არა პოლიტიკოსი მერი, არამედ მენეჯერი, რომელიც ჩვენს ქალაქს წაიყვანს წინ. სამწუხაროდ დღეს საქართველო არ არის მზად დამოუკიდებელი კანდიდატისთვის, იმიტომ რომ პარტიებს უფრო მეტი მხარდამჭერი ყავს, ამიტომ მზად ვარ ნებისმიერ პარტიასთან ვითანამშრომლო, იმისთვის, რომ ზუგდიდში მოვიდეს მენეჯერი მმართველი.ვითანამშრომლებ როგორც ოპოზიციურ პარტიებთან, ასევე მმართველ გუნდთან"- განუცხადა "ოდიშინიუსს" ზვიად სიჭინავამ.
ზუგდიდში მოქმედი კანონმდებლობით მერის რიგგარეშე არჩევნები 2019 წლის მაისში გაიმართება.
რაც შეეხება ზვიად სიჭინავას, 2017 წლის არჩევნებში საინიციატივო ჯგუფიდან წარდგენილი მერობის კანდიდატი იყო.