თბილისში საცხოვრებელ კორპუსში, სავარაუდოდ, გაზის გაჟონვის შედეგად 7 ადამიანი გარდაიცვალა.
ინფორმაციას ამის შესახებ სააგენტო ,,ინტერპრესნიუსი'' ავრცელებს.
„ყაზტრანსგაზ-თბილისში“ განმარტავენ, რომ შემთხვევა ცოტა ხნის წინ, ქეთევან წამებულის გამზირზე მოხდა.
ამ წუთებში ცნობილი გახდა, რომ შვიდივე გარდაცვლილი "ლიბერთი ბანკის" მშენებლობაზე მუშად მუშაობდა. მათ ქეთევან წამებულის გამზირზე ბინა ჰქონდათ ნაქირავები. გარდაცვლილებს შორის 2 მამა-შვილი იყვნენ.
გაზმა სავარაუდოდ გაჟონა ღია ტიპის წყლის გამაცხელებლიდან, რომელიც ბინაში იყო დამონტაჟებული.