2018 წლის განმავლობაში საქართველოს პარლამენტის თანამშრომლების სახელფასო ანაზღაურებაზე, ჯილდოსა და დანამატებზე კოლოსალური თანხა დაიხარჯა – 16 მილიონ ლარზე მეტი.
ინფორმაციას ამის შესახებ ავრცელებს ოპოზიცია , რომელმაც მონაცემები უმაღლესი საკანონმდებლო ორგანოდან გამოითხოვა, თუმცა, უცნობია, თუ რამდენ ადამიანზე გადანაწილდა აღნიშნული თანხა.
ოპოზიცია არამიზნობრივ ხარჯვას უსვამს ხაზს და აუდიტის სამსახურს საკითხით დაინტერესებისკენ მოუწოდებს:
„პრემია და დანამატი უკვე სარგოში აისახა და ეს არის კოლოსალური თანხა. შეგვიძლია ვთქვათ და ამ სარგომ მარტო 2018 წელს 15 მილიონ ლარზე მეტი შეადგინა და მილიონობით ლარი უკვე გაიცა ჯილდოს და დანამატის სახით.
ეს არის ძარცვა კანონის სახელით, თუმცა დოკუმენტაცია რის გამო მიიღო ჯილდო ამ ადამიანმა ან რის გამო მიიღო დანამატი, არ მოგვეპოვება, რადგან პარლამენტი ამ დოკუმენტაციას არ აგზავნის,“-ამბობს საკრებულოს დეპუტატი "ნაციონალური მოძრაობიდან" ლევან ხაბეიშვილი.