NDI-ის კვლევის მიხედვით, საქართველოს მოსახლეობის 71% თვლის, რომ პარლამენტი მეტწილად პოლიტიკური კინკლაობით არის დაკავებული.
გამოკითხულთა მხოლოდ 33% ფიქრობს, რომ პარლამენტმა წინ წამოწია მნიშვნელოვანი საკითხები, რომლებსაც სარგებლობა მოაქვს ქვეყნისთვის.
გამოკითხულთა 57 მიიჩნევს რომ პარლამენტი ეფექტურად და ორგანიზებულად არ საქმიანობს.
28%-ს მიაჩნია, რომ პარლამენტმა ეფექტური ზედამზედველობა გაუწია მთავრობას მათი საქმიანობის გაუმჯობესების მიზნით. 23% კი ფიქრობს, რომ პარლამენტმა შეძლო ქვეყნისთვის მნიშვნელოვანი საკითხების გამოძიება.
ეროვნულ-დემოკრატიულმა ინსტიტუტმა NDI კვლევა წარმომადგენლობითი შერჩევის წესით, მთელი საქართველოს მასშტაბით ჩაატარა, გარდა ოკუპირებული ტერიტორიებისა.
საველე სამუშაოები 6-20 დეკემბერს ჩატარდა. გამოიკითხა 2205 ადამიანი, ცდომილების საშუალო ზღვარი +/- 2%-ია.