საპატრულო პოლიციის უფროსი, თეიმურაზ კუპატაძე თანამდენობიდან გადადგა. შინაგან საქმეთა სამინისტროს განმარტებით, კუპატაძემ შსს-ს სასაზღვრო პოლიციის უფროსის მოადგილის თანამდებობაზე გადაინაცვლა.
. ვინ დაიკავებს საპატრულო პოლიციის უფროსის თანმდებობას უცნობია.
თეიმურაზ კუპატაძე საპატრულო პოლიციას 2017 წლის 23 ნოემბრიდან ხელმძღვანელობს.
ამ დროის განმავლობაში კუპატაძე არაერთხელ გაეხვა სკანდალში. ოპოზიციის მტკიცებით, საპატრულო პოლიციის უკვე ყოფილი უფროს ლობირებდა სიმამრის კომპანიას, რომელმაც შს სამინისტროში მსხვილი ტენდერი მოიგო. კომპანიას უწყების თანამშრომლებისთვის ფორმები უნდა შეეკერა. სიუჟეტი ამ თემაზე „შაბათის კურიერმაც“ მოამზადა, რის შემდეგაც ოპოზიციამ სარჩელი პროკურატურაში შეიტანა.
კუპატაძე მამების აქციების დაშლაშიც აქტიურობდა. ბოლოს კი ის ფიგურირებდა ველისციხეში ინაუგურაციის დროს მომხდარ დაპირისპრებაში. ის – "ნაციონალური მოძრაობის" ერთ-ერთ ლიდერს ნიკა მელიას პირადად დაუპირიპირდა.
დღეს ნიკა მელია კუპატაძის გადადგომასე ეხმაურება: ,,ეს რეალურად დაქვეითებაა, მაგრამ რა მნიშვნელობა აქვს კუპატაძე სად გააკეთებს ფულს?
"კუპატაძე იქნება, ჭიკაიძეს დააბრუნებენ ,ღარიბაშვილს დააბრუნებენ – ამას რამე მნიშვნელობა აქვს? ყველაფერი ერთი ადამიანია ბიძინა, ივანიშვილი. რა მნიშვნელობა აქვს, კუპატაძე სად აიღებს ხელფასს 4-5 ათას ლარს – საპატრულო პოლიციის შეფის თანამდებობაზე თუ საზღვრის დეპარტამენტში მუშაობისას? სად გააკეთებს ბიზნესს პარალელურად და სად იშოვის კორუფციული სქემებით ფულს, იმ შენობაში მომუშავე თუ ამ შენობაში მომუშავე რა მნიშვნელობა აქვს?"-ამბობს ნიკა მელია.