NDI-ის კვლევის მიხედვით, მათგან, ვინც ხვალ რომ საპარლამენტო არჩევნები ტარდებოდეს, არჩევნებზე წავიდოდა, 29% ამბობს, რომ ხმას ქართულ ოცნებას მისცემდა (მეორე არჩევანი – 2%).
26%-ის თქმით, არ იცის, ხმას ვის მისცემდა, ხოლო 12%-ის თქმით, ხმას ერთიან ნაციონალურ მოძრაობას მისცემდა (მეორე არჩევანი – 1%).
13% პასუხის გაცემაზე უარს ამბობს, 9%-ის თქმით, არცერთ პარტიას არ მისცემდა ხმას.
ხვალ რომ არჩევნები იყოს, კვლევის მიხედვით, პატრიოტთა ალიანსს ხმას 3% მისცემდა (მეორე არჩევანი – 4%). სხვა პარტიებს 7% (მეორე არჩევანი – 11%).
მოსახლეობის 31%-ს მეორე არჩევანი არ აქვს.
ეროვნულ-დემოკრატიულმა ინსტიტუტმა NDI კვლევა წარმომადგენლობითი შერჩევის წესით, მთელი საქართველოს მასშტაბით ჩაატარა, გარდა ოკუპირებული ტერიტორიებისა.
საველე სამუშაოები 6-20 დეკემბერს ჩატარდა. გამოიკითხა 2205 ადამიანი, ცდომილების საშუალო ზღვარი +/- 2%-ია.