ეკონომიკისა და მდგრადი განვითარების მინისტრი NDI -ის კვლევის შედეგების იმ ნაწილს გამოეხმაურა, სადაც ნათქვამია, რომ გამოკითხულთა დიდი ნაწილი სამთავრობო უწყებებში, მათ შორის სასამართლოში არსებულ კორუფციასა და ნეპოტიზმზე მიუთითებს.
მინისტრის თქმით, "ქვეყანაში კორუფცია ნამდვილად არ არის პრობლემ".
„ნახევარ წლამდე არის რაც ვმუშაობ სახელმწიფო სტრუქტურებში. მე არ შემიმჩნევია ასეთი შემთხვევა, სადაც იყო კორუფციული გარიგება და არც მსმენია არავისგან ამის შესახებ. ჩვენ გვაქვს ბევრი პრობლემა მთავრობაშიც, ქვეყანაშიც. ამ პრობლემებს ჩვენ ვწყვეტთ, მაგრამ ჩვენ შეგვიძლია ვთქვათ, რომ კორუფცია ნამდვილად არ არის ის პრობლემა, რომელიც ჩვენს ქვეყანაში არსებობს,“-განაცხადა გიორგი ქობულიამ.