ზუგდიდის რეფერალურ ჰოსპიტალში 9 წლის ბავშვის ოჯახის ბრალდებას აბსურდულს უწოდებენ. საავადმყოფოს დირექტორის ნიკა ჭეჟიას თქმით, არანაირ გულგრილობას ადგილი არ ქონია და საავადმყოფოს მხრიდან რაც საჭირო იყო, ყველაფერი გაკეთდა.
„პაციენტმა მოგვმართა, ექიმმა დაათვალიერა, პედიატრმა, იყო გამონაყარი. ოჯახი ამბობდა რომ ქონდა ცხელება, აქ მოსვლისას არ ქონდა ცხელება, ვინაიდან ჩვენ არ გვაქვს ინფექციური და წითელა უნდა მკურნალობდეს ინფექციურში, ვუთხარით, რომ უნდა წასულიყო. ოჯახმა კი მოითხოვა ტრანსპორტირება, კატასტროფის ბრიგადიტ, რაც არ გვევალებოდა, ჩვენს ფუნქციებში არ შედიოდა, ეს იყო და ეს, არანაირ გულგრილობას ადგილი არ ქონია“ – განუცხადა „ოდიშინიუსს“ საავადმყოფოს მენეჯერმა ნიკა ჭეჟიამ.
9 წლის ბავშბის ოჯახი ზუგდიდის რეფერალური საავადმყოფოს მორიგე ექიმს გულგილობაში ადანაშაულებს და აცხადებს, რომ ბავშვი წუხელ სასწრაფო დახმარების ბრიგადამ შეიყვანა მაღალი სიცხით საავადმყოფოში, თუმცა ექიმმა ის არ გასინჯა და ინფექციურ საავადმყოფოში გდაამისამართა, რასაც კატეგორიულად უარყოფენ საავადმყოფოში