9 წლის გოგონას ოჯახი ზუგდიდის რეფერალური საავადმყოფოს მორიგე ექიმს გულგრილობაში ადანაშაულებს. როგორც გოგონას დეიდა მანო პაჭკორია ყვება, ბავშვი წუხელ მაღალი სიცხით სასწრაფომ გადაიყვანა ზუგდიდის რეფერალურ სავაადმყოფოში, მორიგე ექიმმა, რადგან სხეულზე აღენიშნებოდა მცირედი გამონაყარი ( ალერგიული ფონის გამო მკურნალობდა ექიმის დანიშნულებით ), ინფექციურში გადაამისამართა პაციენტი.
" ექიმს არ გაუსინჯავს პაციენტი, სიცხის მიზეზები არ გამოუკვლევია, არც დიაგნოზი დაუსვამს, არანაირი საბუთი არ გამოაყოლა მშობელს ინფექციურში წარსადგენად და არც უზრუნველყო პაციენტის გადაყვანა, რაც წესით და რიგით მათ ინტერესებში შედიოდა.ასეთი ეპიდემიური აფეთქების სეზონზე, ექიმების ამგვარი გულგრილი, არაკომპეტენტური და უდიერი დამოკიდებულება არის დანაშაული და ზუგდიდის სავაადმყოფოს ექიმების მხრიდან კიდევ მსგავსი ინციდენტი პირველი არ არის "- განაცხადა მანო პაჭკორიამ.მისი თქმით, ბავშვი ამ ეტაპზე სტაბილურადაა და სახლში განაგრძობს მკურნალობას : "ბავშვი ამ ეტაპზე სტაბილურადაა, მე იმ პაციენტების გამო ვღელავ, ვისაც უფრო მძიმე შემთხვევა შეიძლება ჰქონდეს და სავალალო სიტუაციაში აღმოჩნდეს"- აცხადებს ის და ამბობს, რომ გულგრილობის გამო დღის წესრიგში უნდა დადგეს კონკრეტულად ამ ჰოსპიტალის რეორგანიზაციის საკითხი.