“ნაბიჯი უკან, წარსულისკენ” – ენმ სკოლებში გამოცდების გაუქმებას ეხმაურება

0
409
"ერთიანი ნაციონალური მოძრობა" საატესტატო გამოცდების გაუქმებასა და უნივერსიტეტებისთვის შიდა მისაღები გამოცდების ჩატარების უფლების მინიჭებას უკან გადადგმულ ნაბიჯად აფასებს.
ნინო კვიტაიშვილი ამბობს, რომ განათლების სისტემაში არსებულ მძიმე მდგომარეობას გამოცდების მოხსნა ვერ გადაჭრის.
 
„ვიდრე გამოსაშვები გამოცდები დაწესდებოდა ქვეყანაში, მოსწავლეები როგორც გვახსოვს ატესტატს იღებდნენ სწორედ აკადემიური შეფასების გზით. რეალურად ახლა ამ გამოცდების გაუქმება, რა პოზიტიური შედეგის მომტანია ჩემთვის გაუგებარია. ერთი რამ ნათელია, რომ ეს არის ნაბიჯი უკან, წარსულისკენ. წლების მანძილზე გამოსაშვებ გამოცდებზე ჩვენ ვხედავდით კატასტროფულ შედეგებს და მათი გაუქმებით თუ ფიქრობენ ზოგადი განათლების სისტემაში ცვლილებების განხორციელებას , ეს ნამდვილად ვერ მოიტანს იმ შედეგს რაც სურს ქართველ საზოგადოებას,“-განაცხადა ”ერთიანი ნაციონალური მოძრაობის” პოლიტიკური საბჭოს წევრმა ნინო კვიტაიშვილმა.
 
ცვლილებები განათლების სისტემაში – სკოლის მე-11-ე კლასელები 2019 წელს გამოცდებს არ ჩააბარებენ, საატესტატო გამოცდები კი 2020 წელს მე-12-ე კლასელებსაც გაუუქმდებათ. ასევე ზოგადი უნარების გამოცდა ეროვნულ გამოცდებზე სავალდებულო აღარ იქნება და ის არჩევითი გახდება. შესაბამისად შეიცვლება საგრანტო სისტემაც, რომელიც ამ დრომდე ზოგადი უნარების ტესტის შედეგებით განისაზღვრებოდა.
წინა სტატიააფხაზეთში დაჭრილი ახალგაზრდა მამაკაცი ზუგდიდის რეფერალურ ჰოსპიტალში გადმოიყვანეს [Video]
შემდეგი სტატია„სისტემა არის ავად“ – დიმიტრი შაშკინი განათლების სფეროში დაანონსებულ ცვლილებებსა და სკოლებში მასშტაბური კორუფციის დაბრუნების საფრთხეებზე
ტელეკომპანია ოდიშის საინფორმაციო სამსახური