შინაგან საქმეთა სამინისტრომ ზუგდიდში ნარკოდანაშაულისთვის ორი პირი დააკავა შინაგან საქმეთა სამინისტროს სამეგრელო-ზემო სვანეთის პოლიციის დეპარტამენტის თანამშრომლებმა, ჩატარებული ოპერატიულ-საგამოძიებო მოქმედებების შედეგად, დიდი ოდენობით ნარკოტიკული საშუალების და დიდი ოდენობით ფსიქოტროპული ნივთიერების უკანონო შეძენა-შენახვის ბრალდებით, ორი პირი: 1978 წელს დაბადებული შ.ბ. და 1966 წელს დაბადებული კ.ჭ. დააკავეს. დანაშაული 3-დან 8 წლამდე ვადით თავისუფლების აღკვეთას ითვალისწინებს. სამართალდამცველებმა, შ.ბ.-ს პირადი ჩხრეკისას, ფსიქოტროპული ნივთიერება “პრეგაგამის” 134 აბი ამოიღეს. კ.ჭ.-ს პირადი ჩხრეკისას კი ამოღებულია ნარკოტიკული საშუალება “სუბოიქსინის” 6 აბი. გამოძიება დიდი ოდენობით ნარკოტიკული საშუალების და დიდი ოდენობით ფსიქოტროპული ნივთიერების უკანონო შეძენა-შენახვის ფაქტებზე მიმდინარეობს, სისხლის სამართლის კოდექსის 260-ე მუხლის მე-3 ნაწილის „ა“ ქვეპუნქტით და 261-ე მუხლის მე-3 ნაწილის „ა“ ქვეპუნქტით.