დონბასში მებრძოლი ქართველი სამხედროს ლუკა ჩხეტიას ოჯახი 31 იანვარს თბილისში, საქართველოს პროკურატურასთან აქციას გამართავს. "სახალხო დამცველის ჩართვას ვითხოვთ ამ ამბავში, ნახოს ნინო ლომჯარიამ ჩემი ძმა რა მდგომარეობაშია, რომ ჩვენ არ ვაჭარბებთ. მას აქვს გართულებული ჯანმრთელობის მდგომარეობა"- განაცხადა ლუკა ჩხეტიას დამ მარი ჩხეტიამ. რაც შეეხება ადვოკატს, მან განაცხადა, რომ ყოველდღიური კონტაქტი აქვს მისი დაცვის ქვეშ მყოფთან, ის გადაყვანილია საავადმყოფოში. მსჯავრდებულს გაუცხოების გრძნობა აქვს, რადგან ლუკა ჩხეტია და მასთან ერთად დაკავებული უკრაინის მოქალაქეები საკანში მარტო მოათავსეს, სწორედ ამან განაპირობა მისი ფსიქოლოგიური მდგომარეობის გაუარესება. "- განაცხადა გიორგი როსტომაშვილმა. მისი თქმით, მისთვის გაუგებარია, რა საჭირო იყო ამ ადამიანების ჩასმა მარტო საკანში, როცა მათ არ ქონიათ იარაღი და ყველამ იცის, რომ ის იარაღი, რომელიც ამოღებულია ნივთმტკიცებად, მათ არ ეკუთვნით. " არანაირი გადატრიალების გეგმა მათ არ ქონიათ და არც იარაღი ქონდათ, რა საჭირო იყო ეს განმარტოება. რაც შეეხება ლუკას, მას ადვოკატის თქმით, ერაყში მიღებული ქონდა ტრამვა და ვერ გაუძლო სამარტოო საკანს, როგორც ლუკა ამბობს, ის არის უდანაშაულო"- განაცხადა ადვოკატმა.ლუკა ჩხეტია გასული წლის ნოემბერში თბილისში 5 უკრაინელ სამხედროსთან ერთად დააკავეს. როგორც შინაგან საქმეთა სამინისტროში აცხადებენ, ისჯგუფურად, ცეცხლსასროლი იარაღის, საბრძოლო მასალის, ფეთქებადი ნივთიერების ან ასაფეთქებელი მოწყობილობის მართლსაწინააღმდეგო შეძენა-შენახვის ბრალდებით არიან დაკავებული