ზუგდიდის რეფერალურ ჰოსპიტალში ე.წ ღორის გრიპით ერთი ადამიანი გარდაიცვალა. ინფორმაციას საზოგადოებრივი ჯანდაცვის ცენტრის ხელმძღვანელი ნანა ოდიშარია ადასტურებს. ოდიშარიას თქმით, დაწესებეულებაში გრიპის სიმპტომებით 19 პაციენტი მკურნალობს, მათგან ერთ-ერთის მდგომარეობა მძიმეა, ის მართვით სუნთქვაზე იმყოფება. "გარდაცვალების შემთხვევა დაფიქსირდა გუშინ. პაციენტი, რომლის მდგომარეობაც კრიტიკული იყო, გარდაიცვალა. ამჟამად ჰოსპიტალში 19 პაციენტი გადის მკურნალობას, რომელთაგან 6 არასრულწლოვანია."- განაცხადა ნანა ოდიშარიამ.
"ავადმყოფი გადმოყვანილ იქნა კატასტროფის სამსახურის მიერ.,რომელსაც აღენიშნებოდა ორმხრივი ტოტალური პნევმონია,ფილტვების შეშუპება და სუნთქვის მწვავე უკმარისობა. უკიდურესად მძიმე მდგომარეობაში,მართვით სუნთქვაზე მოთავსდა კრიტიკული მედიცინის განყოფილებაში,ჩაუტარდა შესაბამისი ინტენსიური თერაპია და პოლიორგანული უკმარისობის საწინააღმდეგო მკურნალობა,თუმცა გუშინ დაფიქსირდა ბიოლოგიური სიკვდილი",- განაცხადა საავადმყოფოს კლინიკურმა დირექტორმა სულხან ორჟონიამ