აფხაზეთის მთავრობის წარმომადგენელი ალექსანდრე ჩიკვაიძე მის შემცვლელად სუბარის მოადგილის შესაძლო დანიშვნას არ ადასტურებს

0
401
სამეგრელო-ზემო სვანეთის რეგიონში აფხაზეთის ავტონომიური რესპუბლიკის მთავრობის წარმომადგენლობის ხელმძღვანელი ალექსანდრე ჩიკვაიძე არ ადასტურებს გავრცელებულ ინფორმაციას მის შემცვლელად ინფრასტრუქტურის სამინისტროს  რეგიონალური პოლიტიკის განყოფილების უფროსის სოზარ სუბარის მოადგილე რეზო ქობალიას შესაძლო დანიშვნისა და  მის მოადგილედ თემურ ბოკუჩავას დანიშვნის თაობაზე. „ოდიშინიუსთან“ ინფორმაცია არ დაადასტურა ალექსანდრე ჩიკვაიძემ. „ ჯერჯერობით მე ვარ უფროსი და არაფერი არ ვიცი, ვერაფერს ვერ გეტყვით“- განაცხადა მან. კითხვაზე იგეგმება თუ არა საკადრო ცვლილებები სამეგრელო-ზემო სვანეთის რეგიონში აფხაზეთისმთავრობის წარმომადგენლობაში, მან განაცხადა, რომ არავითარი საკადრო ცვლილებები და რეორგანიზაცია დაგეგმილი არ არის და არც იმაზე ფლობს ინფორმაციას, „ვასრულებ ჩემს მოვალეობას, ამ სამი წლის განმავლობაში იმდენერ ვარ ვიღაცის ნათქვამზე გადაყვანილ-გადმოყვანილი, აბა რა გითხრათ“- განაცხადა ალექსანდრე ჩიკვაიძემ. ჩიკვაიძის შესაძლო გათავისუფლებაზე არ საუბრობენ არც აფხაზეთის მთავრობაში. გავრცელებულ ინფორმაციას საკადრო ცვლილებების შესახებ კი არც უარყოფენ და არც ადასტურებენ.
აფხაზეთის ავტონომიური რესპუბლიკის სამეგრელო–ზემო სვანეთის მხარის წარმომადგენლობის ხელმძღვანელის პოსტზე ალექსანდრე ჩიკვაიძე 2015 წელს დაინიშნა. მან მისი წინამორბედი ოთარ გოგოხია შეცვალა.
წინა სტატიაესპანეთში ჭაში ჩავარდნილი ბიჭუნა მშობლებს 13-დღი­ა­ნი სა­მაშ­ვე­ლო ოპე­რა­ციის შემდეგ გარდაცვლილი ამოუყვანეს
შემდეგი სტატიადონბასში მებრძოლი ლუკა ჩხეტიას ოჯახის იფორმაციით, პატიმარს ჯანმრთელობის პრობლემები აქვს -ოჯახი პროკურატურასთან აქციებს გეგმავს
ტელეკომპანია ოდიშის საინფორმაციო სამსახური