“შეტყობინება რამდენიმე დღის წინ შემოვიდა”- ზუგდიდში, ბარამიას ქუჩაზე სოკარ-ჯორჯიას წარმომადგენლები მუშაობენ

0
340

„2 დღის წინ შემოვიდა ინფორმაცია  ბარამიას ქუჩიდან, ადგილზე გავიდა ჯგუფი, სამაშველო სამსახურიც იყო, დაფიქსირდა ხარვეზი, იმ საღამოსვე გამოერთო კორპუსს გაზი და მოხდა შემდეგ აღდგენა. ახლა უკვე 2 დღეა სამივე კორპუსში მუშაობენ ჩვენი წარმომადგენლები და ახდენენ  გეგმიურ შემოწმებებს.“ – განაცხადა სოკარ-გაზ ჯორჯიას გურია-სამეგრელოს ოფისის დირექტორმა გია დარსანიამ. მისი თქმით, მოსახლეობა თვითნებურად აკეთებს დაერთებას, კუსტარულად და სწორედ ამ ადგილებიდან ხდება ჟონვა. „მოსახლეობა სცოდავს იმაში, რომ რეფლექტორებს, რომელიც ძალიან იაფი ღირს, არ აყენებენ. ეს აპარატი აუცილებელია, ის გამოყოფს CO-ს, ამის დაერთებას კუსტარულად აკეთებენ და ჟონავს იქედან. ამიტომ ჩვენ ყველას ვაფრთხილებთ, ხელს ვაწერინებთ აქტზე, ის პასუხისმგებელია შიდა გაყვანილობაზე და აღვუდგენთ პირვანდელ მდგომარეობას.“- განაცხადა დარსანიამ. რაც შეეხება დასახლებას, სადაც დევნილები ცხოვრობენ, მსთი თქმით, ღამე გვიან იგრძნეს სუნი და ცხელ ხაზზე დარეკეს „ სუნი იყო პადიეზდშიც და უცებ დავრეკეთ, მოვიდნენ და გამორთეს იმ საღამოს, ახლა ამოწმებენ“- განაცხადა ერთ-ერთმა დევნილმა. მათი თქმით, მას შემდეგ რაც თბილისში ტრაგედია დატრიალდა, შეშინებულები არიან. რამდენიმე დღის წინ საზარელი ტრაგედია დატრიალდა დიღომში, საცხოვრებელი კორპუსში გაზის აფეთქბის შედეგად 4 ადამიანი დაიღუპა, მათ შორის ერთი მცირეწლოვანი.

წინა სტატიაზუგდიდში მშენებარე ფეხბურთის სტადიონის ჭერი ჩამონგრეულია (ფოტო)
შემდეგი სტატიაჟურნალისტ დავით ერაძის საცხოვრებელ სახლს ესროლეს
ტელეკომპანია ოდიშის საინფორმაციო სამსახური