გირჩის ერთერთმა ლიდერმა ვახტანგ მეგრელიშვილმა, თავის Facebook გადაცემაში "თავისუფალი ბაზარი" განათლების ექსპერტთან, სიმონ ჯანაშიასთან, დებატებისას განაცხადა, რომ ბავშვების გაყიდვის უფლებას ემხრობა იმ შემთხვევაში, თუ ბავშვის ბიოლოგიურ მშობელს მისი აღზრდის სურვილი ან საშუალება არ აქვს.
,,მე მგონია, რომ ბავშვების გაყიდვა არის ძალიან სწორი ბავშვებისთვის. ანუ, ვინც აპირებს შვილის ყოლას, ხომ ნათელია, რომ ბავშვი იმას უნდა ჰყავდეს? როგორ შეიძლება ბავშვის გაყიდვის აკრძალვა?
ბავშვების გაყიდვის უფლებას ვემხრობი იმიტომ, რომ ბუნებრივია, რომ ბავშვი არის ისეთი საშუალება, არსება, რომელიც უნდა მოხვდეს ყველაზე მზრუნველი ადამიანის ხელში. ეს არის მთელი ჩვენი საზოგადოების ამოცანა.
ზრდასრული ადამიანის ყიდვა იმიტომ არ უნდა შეიძლებოდეს, რომ ზრდასრული ადამიანი უკვე საკუთარ თავზე პასუხისმგებელია. ბავშვს სჭირდება ადამიანი, მომვლელი, რომელიც იტვირთებს პასუხისმგებლობას. ადამიანი თავისუფალია ბუნებით, რომლის გაყიდვა არის შეუძლებელი ანუ ადამიანმა შეუძლებელია საკუთარი თავი მონად გაყიდოს, უბრალოდ, შეუძლებელია, ტყუილი კონტრაქტია.
ბავშვი არ არის სრულფასოვანი ადამიანი, ბავშვი შეიძლება, გაყიდო იმიტომ, რომ ამ ბავშვს მოუარო 18 წლამდე ანუ მის სრულწლოვანობამდე '' განაცხადა ვახტანგ მეგრელიშვილმა/