საქართველომ ვენესუელას ოპოზიციის ლიდერი, ხუან გუაიდო ქვეყნის გარდამავალ პრეზიდენტად აღიარა.
ამის შესახებ ინფორმაცია, საქართველოს საგარეო საქმეთა მინისტრმა, დავით ზალკალიანმა Twitter-ით გაავრცელა.
"ვენესუელაში ჩატარებული არალეგიტიმური არჩევნების ფონზე, საქართველო ხუან გუაიდოს გარდამავალ პრეზიდენტად აღიარებს. საქართველო მიესალმება ჩვენი პარტნიორების განცხადებებს და მხარს უჭერს ვენესუელელ ხალხს მათ ბრძოლაში დემოკრატიის და თავისუფლებისთვის",- წერს ზალკალიანი.
შეგახსენებთ მადუროს ინაუგურაცია მეორე ვადით იანვრის დასაწყისში გაიმართა, ხოლოარჩევნები გასულ წელს ჩატარდა და მძლავრი საპროტესტო განწყობები მოყვა, რადგან მოსახლეობა და ოპოზიცია ხელისუფლებას ხმების გაყალბებაში ადანაშაულებდა.
ვენესუელას ეროვნული ასამბლეა ბოლო დღეებში ახალი საპროტესტო ტალრა დაძრა და ხალხს მოუწოდა ქუჩებში გამოსვლისაკენ გარდამავალი მთავრობისა და ახალი არჩევნების დანიშვნის მოთხოვნით.
სამშაბათს ვენესუელას პარლამენტის თავმჯდომარემ და ოპოზიციის ლიდერმა , ხუან გუაიდომ თავი ქვეყნის გარდამავალ პრეზიდენტად გამოაცხადა. იგი მალევე აღიარა პრეზიდენტად რამდენიმე ქვეყანამ, მათ შორის აშშ – მ, ჩილემ, კოლუმბიამ, პარაგვაიმ, პერუმ და არგენტინამ.
სავარაუდოდ ამას გააკეთებს საფრანგეთიც, რომელიც აცხადებს,, რომ სიტუაციასთან დაკავშირებით კონსულტაციებს ევროპელ პარტნიორებთან მართავს.
ხუან გუაიდოს მხარს უჭერს აშშ-ს პრეზიდენტი დონალდ ტრამპი. მისი თქმით, გუადიოქვეყნის ოფიციალური და ლეგიტიმური მმართველია.