ზუგდიდში, მდინარე ჩხოუშის ხიდთან, ქვეითთა ზებრა-გადასასვლელი გაუქმდა. გადასასვლელი რკინის ჯებირებით და ხის მასალებით ჩახერგეს. ქალაქეები უკმაყოფილებას გამოთქვამენ გადასასვლელის ჩაკეტვის გამო და მის გახსნას ითხოვენ.
„ რას ნიშნავს ეს არ ვიცი, მოვედი, მომაქვს პარკები, დატვირთული ვარ და უნდა მივბრუნდე ისევ უკან, სოფლის მარშუტკები დგებიან აქ და კომფორტულად გადავდიოდით, რატომ ჩაკეტეს ვერ ვხვდები“- განაცხადა ერთ-ერთმა მოქალაქემ. ზუგდიდის მერიაში აცხადებენ, რომ ზებრა-გადასავლელი გაუქმდა, მოქალაქეების უსაფრთხოების მიზნით.
