გურამიშვილის 9-ა ნომერთან პოლიცია, სასწრაფო დახმარების ბრიგადები და „ყაზტრანსგაზის“ წარმომადგენლები იყვნენ მობილიზებულები. განგაშის საფუძველი სადარბაზოში ბუნებრივი აირის მკვეთრი სუნი იყო. მოსახლეობის დიდმა ნაწილმა შიშის გამო სახლები დატოვა.
„ყველა სადარბაზოში გაზის სუნია,“- აცხადებენ ადგილობრივები.
„ყაზტრანსგაზში“ განმარტავენ, რომ ადგილობრივებმა ევაკუაციის გადაწყვეტილება თავად მიიღეს. კომპანიის ინფორმაციით, ბუნებრივი აირის გაჟონვა არ დადასტურდა, თუმცა კორპუსს გაზმომარაგება შეუწყდა და ის სისტემის ბოლომდე შემოწმების შემდეგ აღდგება. სპეციალისტები ადგილზე გვიან ღამემდე მუშაობდნენ.