შესაძლოა, რეალობა მალე ისეთი იყოს, თავიანთი ოჯახის წევრების გარდა, სასამართლოში აღარავინ შეუშვან და სასამართლო ერთი ჯგუფის კერძო კანტორად ჩამოყალიბდეს, – ამის შესახებ საპარლამენტო უმრავლესობის წევრმა, გედევან ფოფხაძემ პირველი არხის გადაცემაში „კვირის ინტერვიუ“ სტუმრობისას განაცხადა.
„იუსტიციის საბჭო ნიშნავს მოსამართლეებს და გვთავაზობს უზენაესი სასამართლოს მოსამართლე კანდიდატებს. თუ მათ ვინმე არ უნდათ, სამართლებრივად, ის ამ სისტემაში საერთოდ ვერ ხვდება. მაშინ, რა საჭიროა სასწავლო ცენტრები, რაზეც ვსაუბრობდით და ახალი მოსამართლეების, კანდიდატების აღზრდა?! საერთოდ, პროფესია ქრება და ამ სისტემაში ვერც ერთი იურისტი ვეღარ შედის. ის ყველასთვის იკეტება. გარწმუნებთ, ჩვენ იმისკენ მივდივართ, რომ კარები ჩაიკეტოს და სასამართლო სისტემა ერთი ჯგუფის ხელში დარჩეს“, – განაცხადა ფოფხაძემ.როგორც ფოფხაძემ აღნიშნა, თუ საზოგადოებას უნდა, რომ იუსტიციის ეს საბჭო არ იყოს, იუსტიციის ეს საბჭო ვეღარ იქნება.