H1N1 ვირუსის საწინააღმდეგო ვაქცინის ახალი მარაგი ქვეყანაში დღეს შემოვა. ამის შესახებ პირველ არხს დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ განუცხადა.
ამირან გამყრელიძის განმარტებით, საქართველოს ჯანდაცვის სამინისტრო მწარმოებელი კომპანიისაგან ვაქცინის 7 000 დოზას მიიღებს, მათი უფასოდ მიღება კი მოქალაქეებს ხვალიდან შეეძლებათ.
ვაქცინის მიღებას რისკჯგუფებში შემავალი მოქალაქეები შეძლებენ. დაავადებათა კონტროლის ეროვნული ცენტრის რეკომენდაციის მიხედვით, ვაქცინაცია პირველ რიგში ორსულებმა უნდა ჩაიტარონ.დაავადებათა კონტროლის ეროვნული ცენტრის ინფორმაციით, გრიპის საწინააღმდეგო ვაქცინით სახელმწიფომ ვირუსის სეზონამდე ანუ შემოდგომაზე 41 000 ადამიანი აცრა, რომლებიც რისკჯგუფებში შედიოდნენ.