აფხაზეთში რუსეთის საოკუპაციო ჯარების ჯავშანტრანსპორტიორი ხევში გადავარდა, შედეგად სამი სამხედრო დაიღუპა და ორი დაშავდა. ამის შესახებ ინფორმაციას რუსეთის სამხრეთ სამხედრო ოლქის პრესსამსახური ავრცელებს.
შემთხვევა წებელდის ხეობაში მოხდა, სავარაუდო მიზეზად ჯავშანტრანსპორტიორის ტექნიკური გაუმართაობა სახელდება.
„მიმდინარე წლის 18 იანვარს სამედრო ტექნიკის კოლონის ცაბალის პოლიგონიდან მსვლელობისას ჯავშანტრანსპორტიორი БТР-80 ხეობაში გადავარდა. შემთხვევის შედეგად სამი სამხედრო დაღუპა. ორი დაშავებული საოლქო სამხედრო ჰოსპიტალშია გადაყვანილი“, – ნათქვამია განცხადებაში.