ზუგდიდის მუნიციპალიტეტის სოფლებში პირველი თოვლი მოვიდა. თოვლის სახით მოსული ნალექის ფოტოები სოციალურ ქსელში აიტვირთა. თოვლი მაღალი ზონის სოფლებში მოვიდა, მათ შორის კორცხელში, ნაცატუსა და ჭკადუაშში.

 

 

 

საქართველოში ჰაერის ტემპერატურა მკვეთრად დაეცა. გარემოს ეროვნული სააგენტოს ცნობით,  17 იანვარს დაბლობსა და ბარში მოსალოდნელია თოვლჭყაპი, მთიან და მაღალმთიან რაიონებში შენარჩუნებული იქნება რთული მეტეოროლოგიური პირობები: ძლიერი თოვა, ზოგან -ქარბუქი.

 

 

 

„18 იანვარს დღისით გამოიდარებს და 19 იანვარს უნალექო ამინდია მოსალოდნელი. დაბლობსა და ბარში დაეცემა ღამის მინიმალური ტემპერატურა: დასავლეთ საქართველოში ზოგან -5 გრადუსამდე, აღმოსავლეთ საქართველოში -9 გრადუსამდე (შიდა ქართლში)“, – ნათქვამია გარემოს ეროვნული სააგენტოს მიერ გავრცელებულ ინფორმაციაში.

 

 

ფოტოები მოგვაწოდა გვერდმა "ნაცატუ"