გუშინ , 15 იანვარს გაგრის რაიონის სოფელ ლიძავაში რუსი ბიზნესმენის მანქანა ააფეთქეს. ადგილობრივი ე.წ სამართალდამცავების ინფორმაციით, პაკეტში მოთავსებული ასაფეთქებელი მოწყობილობა საქარე მინასა და „კაპოტს“ შორის იყო მოთავსებული. მძღოლმა გადაწყვიტა პაკეტი თავად ამოეძრო, რა დროსაც აფეთქება მოხდა.
აფეთქების შედეგად მოსკოველმა ბიზნესმენმა მიხაილ ევალენკომ მძიმე დაზიანებები მიიღო. ის ოჯახმა სოჭის საავადმყოფოში გადაიყვანა, სადაც რამდენიმე რთული ოპერაცია გაუკეთდა, ამოუღეს ორივე თვალი. ის ამ დროისთვის უკიდურესად მძიმე მდგომარეობაში იმყოფება, ოჯახი მის გადაყვანას მოსკოვში გეგმავს.
საქმე მკვლელობის მცდელობის მუხლითაა აღძრული.
საოკუპაციო რეჟიმის მედიის ინფორმაციით ევალენკო აფხაზეთში უკვე რამდენიმე წელია ცხოვრობს და ბიზნესითაა დაკავებული.
რამდენიმე დღის წინб 14 იანვარს რუსეთის მოქალაქე მოკლეს ოჩამჩირის რაიონის, სოფელ ტამიშშიც. იქ მიხაილ მასლოვს თავს ორი შეიარაღებული ნიღბიანი დაესხა. იგი მიღებული ჭრილობებისგან დაიღუპა.
მოკლულის მეუღლე ყვება, რომ გვიან ღამით მათთან მივიდა ორი კაცი, რომელთაგან ერთი მისი ქმრის ნაცნობი იყო, და გარეთ გაიხმო.. საუბარი დიდხანს არ გაგრძელებულა, იგი მალევე გადაიზარდა ჩხუბში და დასრულდა თოფის გასროლუთ. მასლოვი ადგილზევე გარდაიცვალა.
აფხაზური მედიის ცნობით, ოჯახი ხუთი წელია აფხაზეთში კოსტრომიდან გადმოსახლდა, თავად მასლოვი ავტომექანიკოსად მუშაობდა და ოჯახთან ერთად ნაცნობის სახლსი იყოდაბინავებული. დიდი ფული მატ არჯქონიათ და ამდენად თავადასხმის მიზანი შეუძლებელია ძარცვა ყოფილიყო. გამოძიება მუშაობს ვერსიაზე, რომ ეს იყო ყოფითი შემთხვევა, რომელიც თანამეინახეებს შორის მოხდა. მკვლელობაში ეჭვმიტანილები ჯერ არ დაუკავებიათ.