რა მდგომარეობაა ქვეყნის რეგიონებში ადამიანის უფლებათა დაცვის კუთხით – ამ თემაზე საუბარი იქნება დღეს რეგიონული პოლიტიკისა და თვითმმართველობის კომიტეტზე.
სხდომაზე სახალხო დამცველი მოხსენებით გამოვა. ყურადღება გამახვილდება ომბუდსმენის ბოლო ანგარიშიდან გამომდინარე არსებულ კონკრეტულ ფაქტებზე.
შეხვედრას, დეპუტატებთან ერთად, რეგიონების ხელმძღვანელობა დაესწრება.
ოპოზიცია 2017 წლის ადგილობრივი თვითმართველობისა და 2018 წლის საპრეზიდენტო არჩევნებზე არსებულ დარღვევებთან დაკავშირებით ნინო ლომჯარიას პოზიციით დაინტერესდება.