ზუგდიდში, ექკ-ს ტერიტორიაზე, ყოფილი სასტუმროს შენობაში ჩასახლებული დევნილები ანტისანიტარიაზე საუბრობენ და დახმარებას ითხოვენ. მათი თქმით, ეზოში საკანალიზაციო სისტემა მოუწესრიგებელია, ჭებს თავსახური არ აქვს, ფეკალური მასები გადმოდის, ეზოში გროვდება და სუნი დგას. არავინ არ არის ჩვენი პატრონი, ასეთ დღეში ვართ რამდენი წელია, მაგრამ ყურადღებას არავინ გვაქცევს. ეზოში საშინელი ანტისანიტარიაა, სუნი დგას, ვერ გახვალ, ვერ გაივლი, აქ ბავშვები და მოხუცები ცხოვრობენ, მაგრამ ეზოში პატარები ვერ თამაშობენ ამის გამო“- ამბობენ დევნილები.
ამასთან ერთად აქ ჩასახლებულ დევნილებს წყლის პრობლემაც აწუხებთ. „იქნებ დაბინძურებულია შვილო წყალი, რა ვიცით ჩვენ. ვერ ვსვამთ ამ წყალს და მოგვაქვს ეზოებიდან ან ვყიდულობთ“- განაცხადეს დევნილებმა.
რაც შეეხება მერიას, „ოდიშინიუსს“ განიცხადეს, რომ ჯგუფი გასულია პრობლემის შესასწავლად და უახლოეს პერიოდში პრობლემა აღმოიფხვრება.