თოვლის ბაბუის მოპარვაში ბრალდებულს ზუგდიდის რაიონულმა სასამართლომ 2 ათას ლარიანი გირაო შეუფარდა. მოსამართლე შოთა ბიჭიამ დააკმაყოფილა პროკურატურის შუამდგომლობა მხარეებს შორის საპროცესო შეთანხმების დამტკიცების შესახებ, რომელიც ბრალდებულისთვის განაჩენის არსებითი განხილვის გარეშე გამოტანასა და გირაოს შეფარდებას გულისხმობდა. ბრალდებულმა დანაშაული აღიარა. მოპარული ნივთი ,,მაკდონალდსს,, დაუბრუნდება.თოვლის ბაბუა რამდენიმე დღის წინ მოიპარეს, ბრალდებულის მიმართ საქმე სს კოდექსის 177-ე, ქურდობის მუხლით დაიწყო.