ზუგდიდის მერიამ კომპანია „თაუნ-პარკს“ ხელშეკრულება შეუწყვიტა. მერიაში განმარტავენ, რომ ხელშეკრულების შეწყვეტის მიზეზი ნაკისრი ვალდებულებების არაჯეროვნად შესრულებაა. „კომპანიამ ვერ
შეასრულა ხელშეკრულებით გაწერილი მოთხოვნები, რის გამოც მერიამ იმსჯელა და შეუწყვიტა ხელშეკრულება, კომპანიას ვერ შემოქონდა ბიუჯეტში თანხები, მოუწესრიგებელი ქონდა ინფრასტრუქტურა და იყო მთელი რიგი დარღვევები“- განუცხადეს „ოდიშინიუსს“ მერიაში. „თაუნ-პარკის“ მენეჯერი ბაცუკი ყუფუნია ჩვენს ზარებს არ პასუხობს. „თაუნ-პარკთან“ დაკავშირებით ოპოზიციამ რამდენჯერმე მოითხოვა ხელშეკრულების გაწყვეტა და ხელახალი ტენდერის გამოცხადება. კომპნაია დაჯარიმებულიც არის ვალდებულებების შეუსრულებლობის გამო. რაც შეეხება საკრებულოს სხდომას, რომელიც დეკემბრის ბოლოს გაიმართა, პარკირების წესი და ტარიფებიც დაამტკიცეს.