ჭყონდიდის ეპისკოპოსი პატრიარქის საშობაო ეპისტოლეს ეხმაურება და მიიჩნევს, რომ გზავნილი სიტყვის თავისუფლების შესახებ თავად სასულიერო პირებმა უნდა გაიცნობიერონ.
,,პატრიარქის ეპისტოლეში ჩვენ ვისმენთ სიტყვებს, მოწოდებას, გზავნილებს სიტყვის თავისუფლების შესახებ.
მე ვიტყოდი, რომ პირველ რიგში, ადრესატად ამ მოწოდებისა და გზავნილისა, უნდა იქცეს პატრიარქის პირადი გარემოცვა და ის სასულიერო პირები, რომლებიც საპატრიარქოს ლოცვა-კურთხევით გამოდიან, პირადად ჩემს მიმართ არაერთგზის გამოირჩევიან უტიფარი, ცილისმწამებლური, ცრუ ინფორმაციებით და ფაქტობივად ჭორების გავრცელებით არიან დაკავებულები.'' განაცხადა გუშინ მეუფე პეტრემ
ჭყონდიდის მიტროპოლიტი ამბობს, რომ გაზაფხულზე, წმინდა სინოდს მან წერილობით მიმართა და მოითხოვა იმ სასულიერო პირების და საპატრიარქოს თანამშრომლების განცხადებების განხილვა, რომელიც მეუფეს შეფასებით, ცილისმწამებლური და უპასუხისმგებლო იყო ( ამის მაგალითად მან საპატრიარქოს იურისტის ედიშერ ქარჩავას განცხადება მოიყვანა), თუმცა სინოდმა მისი მიმართვა არ დააკმაყოფილა:
,,"საგაზაფხულო სინოდის სხდომაზე მქონდა მოთხოვნილი წერილობით პატრიარქისა, მოსაყდრისა და წმინდა სინოდს მიმართ, რომ ეს საკითხი განხილულიყო სასულიერო პირების უპასუხისმგებლო განცხადებებისა და გამოსვლების შესახებ ასევე, რაც არ იქნა დაკმაყოფილებული, განხილული და დღეს საჭიროდ მივიჩნევ, რომ ეს ჩემი წერილი წმინდა სინოდის მიმართ, გასული წლის ივნისში გაგზავნილი, გავასაჯაროვო.'' – განაცხადა მეუფე პეტრემ
