სოლიდარობა თენგოს!!! – ამ სახელწოდებით სოციალურ ქსელში მიმართვა გაჩნდა. პოსტი დანაშაულის შეუტყობინებლობის დბრალდებით დაკავებული თენგიზ ქობალიას მეგობარმა ლევან ბეჭვაიამ გამოაქვეყნა. მიმართვის ავტორი მოუწოდებს საზოგადოებას გაერთიანდნენ დაკავებული თენგიზ ქობალიას დასაცავად და თავდებში ჩაუდგნენ მას. ქობალიას გათავისუფლების მოთხოვნით ისინი სასამართლოს ადვოკატის დახმარებით მიმართავენ. „ამას რაღაც ფორმით შეიმუშავებს ადვოკატი და შუამდგომლობას გაგვიწევს სასამართლოში“- განაცხადა ლევან ბეჭვაიამ. მერიის ეკონომიკური პოლიტიკისა და სერვისების მართვის სამსახურის ყოფილი უფროსის სასამართლო 4 თებერვალსაა ჩანიშნული. სუს-ის ანტიკორუფციულმა სამსახურმა თენგიზ ქობალია დანაშაულის შეუტყობინებლობის ბრალდებით 24 დეკემბერს სამუშაო კაბინეტში დააკავა.