თავდასხმა ექიმზე – მიქაელ მთავარანგელოზის საავადმყოფოს მედიკოსს პაციენტი ფიზიკურად გაუსწორდა. ექიმს მიღებული ტრავმების გამო გადაუდებელი ოპერაცია დასჭირდა.
კონფლიქტი მედიკოსსა და პაციენტს შორის მას შემდეგ დაიწყო, რაც კლინიკაში მყოფმა პაციენტმა ექიმს ნარკოტიკული საშუალება მოსთხოვა, უარის შემდეგ კი მას სცემა. ამის შესახებ ინფორმაციას ამავე საავადმყოფოს ექიმი ნინო პოპიაშვილი ავრცელებს. ღამით კლინიკაში პოლიცია იყო მობილიზებული.
შინაგან საქმეთა სამინისტროში აცხადებენ, რომ გამოძიება ძალადობის მუხლით მიმდინარეობს და პაციენტი, რომელიც ექიმს თავს დაესხა, უკვე გამოვლენილია.