მსოფლიო პატრიარქმა უკრაინის ავტოკეფალიის შესახებ ტომოსს ხელი მოაწერა

0
393
მსოფლიოს პატრიარქმა ბართოლომემ უკრაინის მართლმადიდებელი ეკლესიისთვის ტომოსს ხელი მოაწერა.ტომოსზე ხელმოწერის ცერემონია წმინდა გიორგის ტაძარში შედგა.
 
ავტოკეფალიის შესახებ დოკუმენტის ხელმოწერამდე პარაკლისი გადაიხადეს, რომელსაც ესწრებოდნენ: უკრაინის პრეზიდენტი პეტრო პოროშენკო, უკრაინის საგარეო საქმეთა მინისტრი პავლო კლიმკინი, თავდაცვის მინისტრი სტეპან პოლტორაკი, პარლამენტის სპიკერი ანდრეი პარუბი და უკრაინის მართლმადიდებელი ეკლესიის მეთაური მიტროპოლიტი ეპიფანე.
 
მღვდელთმსახურების შემდეგ მსოფლიო პატრიარქმა თავის რეზიდენციაში უკრაინის პრეზიდენტი და მიტროპოლიტი ეპიფანე მიიღო.
 
შეგახსენებთ, რომ გუშინ მსოფლიო პატრიარქმა ბართლომემ ყველა ავტოკეფალური ეკლესიის პატრიარქებსა და მთავარეპისკოპოსებს მოუწოდა, მხარი დაუჭირონ ავტოკეფალიის მინიჭების საკითხს უკრაინის ახლად დაარსებული მართლმადიდებელი ეკლესიისთვის.
წინა სტატიაბათუმში ძლიერი ქარის დროს დაშავებული მამაკაცი გარდაიცვალა
შემდეგი სტატიასალომე ზურაბიშვილი ზუგდიდში იმყოფება
ტელეკომპანია ოდიშის საინფორმაციო სამსახური