ჯერჯერობით უცნობია რა გახდა ახალგაზრდა მამაკაცის გარდაცვალების მიზეზი, რომელიც ნათესავებმა იპოვეს. 1987 წელს დაბადებული გიორგი უბილავა აფხაზეთიდან დევნილია და მშობლებთან ერთად თბილისში ცხოვრობდა. ის ზუგდიდში, ნათესავის ოჯახში სტუმრად წუხელ ჩამოვიდა. ახლობლების ინფორმაციით, დღეს დილით, დაახლოებით 12/საათზე გარდაცვლილი იპოვეს. ამ წუთებში ცხედარი ქუთაისის პროზექტურაშია გადასვენებული, სადაც ექსპეეტიზა უტარდება, რომელიც დაადგენს რა გახდა ახალგაზრდის გარდაცვალების მიზეზი. ექსპერტიზის დასრულების შემდეგ კი მას თბილისში გადაასვენებენ. შსს- ს ინფორმაციით, საქმე აღძრულია სსკ 115-ე მუხლით, რაც თვითმკვლელობამდე მიყვანას გულისხმობს.