სასტუმროში, სადაც დღეს დილით ახალგაზრდა მამაკაცი გარდაცვლილი იპოვეს, სამეგრელო-ზემო სვანეთის გუბერნატორის მოადგილე ცხოვრობს. ირაკლი ჯიქია ,,რივერსაიდ ზუგდიდში,, მას შემდეგ დაბინავდა, რაც აღნიშნულ თანამდებობაზე დაინიშნა.ამავე სასტუმროს ადმინისტრატორი კი გუბერნიის პრესსამსახურის ერთ-ერთი თანამშრომელია. გარდაცვლილი გ.უბილავა აფხაზეთიდანაა და ის ,,ტყის ძმების,, ყოფილი მეთაურის დათო შენგელიას შვილის მეგობარია. გალიდან გადმოსულმა უბილავამ სწორედ ამ საატუმროში გაათენა ღამე. ის დღეს დილით სასტუმროს ნომერში გარდაცვლილი იპოვეს. გავრცელებული ინფორმაციით, გარდაცვალება ნარკოტიკული საშუალებების ზედოზირებამ გამოიწვია, თუმცა ექიმები ამ ფაქტს არ ადასტურებენ. ცხედარს ექსპეეტიზა ქუთაისის ბიუროში ჩაუტარდა.შსს ინფორმაციით, ცხედარს ძალადობის კვალი არ აღენიშნება. საქმე აღძრულია სსკ 115- ე მუხლით, რაც თვითმკვლელობამდე მიყვანას გულისხმობს.